U centru Novog Sada stradale dvije osobe

Dva muškarca nastradala su od posljedice požara u Novom Sadu, potvrđeno je RTS-u u novosadskoj Hitnoj pomoći.

Ekipa hitne pomoći dobila je poziv oko 9 časova. Požar je izbio u potkrovlju zgrade u Laze Telečkog 5. Ljekarska ekipa intervenisala po prvom prioritetu.

Konstatovana je smrt dvojice muškaraca nepoznatog identiteta na licu mjesta, kaže za RTS dr Zoran Krulj, portparol Hitne pomoći.

“Vatrogasno-spasilačka brigada Novi Sad dobila je dojavu u 8.57 minuta da izlazi dim iz stambenog objekta u ulici Mite Ružića. Odmah poslije četiri minuta vatrogasne ekipe su bile na mjestu događaja. Brzo su reagovali. Vrata stana iz kojih je dim izlazio bila su zaključana, koja su nasilno otvorena. U prostoriji su pronađena dva tijela. Radi se o stanu od 15 kvadrata. Tijela su odmah evakuisana, ali medicinka pomoć je konstatovala smrt”, rekao je Stojan Milovac, načelnik uprave za vanredne situacije u Novom Sadu.

Nadležne službe utvrdiće glavni uzrok požara koji se dogodio u objektu starom oko sto godina.

Izvor: Analitika

Get it on Google Play