Na tezgama zelene pijace u TC „Gintaš“ juče je najveća potražnja bila za sezonskim voćem, posebno trešnjama i višnjama.
Trešnje su se prodavale po cijeni od šest do deset eura po kilogramu, dok su višnje koštale osam eura. Veliko interesovanje kupaca bilo je i za jagode, čiji je kilogram iznosio pet eura, piše “Dan”.
Za kajsije i nektarine potrebno je izdvojiti deset eura po kilogramu. Lubenica se prodaje po tri eura, dok je pipun pet eura po kilogramu. Grožđe takođe košta pet eura, dok su šljive iz Grčke jeftinije i prodaju se po cijeni od jednog eura.
Kivi se može kupiti za 3,50 eura, dok su pomorandže euro jeftinije. Jabuke koštaju od 0,70 do 2,50 eura po kilogramu, dok su banane dva eura. Kruške su četiri, a limun tri eura.
Od povrća, mladi krompir prodaje se za 1,50 eura po kilogramu, dok je stari euro. Paprike koštaju 2,50 eura, paradajz tri eura, a krastavac dva eura.
Crni luk prodaje se po cijeni od dva eura, dok domaći bijeli luk košta pet eura. Vezica mladog luka je 50 centi. Tikvice su pojeftinile i mogu se kupiti za euro po kilogramu, dok je poriluk 1,50 eura.
Bijeli kupus košta euro, boranija pet eura, blitva 1,50 eura, salata dva eura, a raštan 2,50 eura.
Cijene mliječnih proizvoda ostale su na istom nivou. Mladi sir košta 6,50 eura, dok je stari devet eura po kilogramu. Kučki sir prodaje se po istoj cijeni, dok je kolašinski lisnati sir skuplji i košta 12 eura. Mladi kajmak dostiže cijenu od 15 eura po kilogramu.
Na sektoru jaja cijene se kreću od 23 do 45 centi po komadu.
Izvor: Dan
Foto: Pixabay
